Oğurlanmış 5 polisin meyiti tapılıb

Bazar ertəsi səhər Meksikanın Miçoakan ştatının Sitakuar bələdiyyəsi ərazisində avtomobilin salonundan Tusantla bələdiyyəsinin yerli 5 polis əməkdaşının meyiti taılıb. Avtosfer.az “Report”a istinadən xəbər verir ki, bu barədə "Excelsior" nəşri yazıb. Polislər naməlum şəxslər tərəfindən fevralın 4-də iş növbəsinə başladıqdan sonra oğurlanıblar. Onlar həftə ərzində itkin düşmüş hesab ediliblər. Tapılan meyitlərin üzərində çoxsaylı odlu silah yaraları olub. Qatillər meyitlərin yanında naməlum tərkibli məktub da qoyublar.