Oğurluqda təqsirləndirilən şəxsin ibtidai istintaqı yekunlaşıb

Şabran rayonunda oğurluq etməkdə təqsirləndirilən Hüseyn Binəliyevin cinayət işi üzrə ibtidai istintaq yekunlaşıb. Avtosfer.az-ın "Report"a istinadən məlumatına görə, iş baxılması üçün Şabran Rayon Məhkəməsinə göndərilib və hakim Çingiz İsgəndərovun icraatına verilib. Məhkəmənin hazırlıq iclası aprelin 15-nə təyin edilib. Qeyd edək ki, hadisə bu ilin əvvəlində Şabran rayonunun Rəhimli kəndində baş verib. Kənd sakini H.Binəliyev evlərin birindən 7000 manat dəyərində qızıl-zinət və məişət əşyaları oğurlayıb. Şabran rayon Polis şöbəsinin əməkdaşlarının keçirdikləri əməliyyat-axtarış tədbirləri nəticəsində H.Binəliyev saxlanılıb. Ətrafında aparılmış əməliyyat tədbirləri ilə onun yanvarın 3-də 1 həyətyanı sahədən məişət əşyaları və ərzaq məhsulu oğurlaması da müəyyən edilib.