Orta Dəhliz strateji əhəmiyyət kəsb etməyə başlayıb - Asiya İnkişaf Bankı

“Son illərdə Orta Dəhliz strateji əhəmiyyət kəsb etməyə başlayıb”. Avtosfer.az xəbər verir ki, bunu Asiya İnkişaf Bankının (AİB) vitse-prezidenti Yingming Yang V Tbilisi İpək Yolu Forumu çərçivəsində keçirilən “Orta Dəhliz: Etibarlılıqdan effektivliyə” adlı paneldə çıxşında deyib. Onun sözlərinə görə, dəhlizin Avropa və Asiya arasında əsas ticarət yoluna çevrilmə potensialı var. “Orta Dəhliz Çinlə Avropa arasında dinamik ticarət yoluna çevrilib. Dəhlizə cəlb olunan yük axınlarının həcmi deməyə əsas verir ki, layihə növbəti illərdə davamlı inkişafını davam etdirəcək”, - Yang qeyd edib. AİB rəsmisi əlavə edib ki, Orta Dəhlizin uğurlu olması iştirakçı ölkələrin hökumətlərinin tərəfdaşlığından, maliyyə institutlarının dəstəyindən və özəl sektordan asılıdır.