Orta Dəhliz vasitəsilə yük axını artır - Baş nazirin müavini

Regiondakı geosiyasi vəziyyət göstərir ki, Prezident Əliyevin Şərqlə Qərb arasında nəqliyyat dəhlizinin inkişafı ilə bağlı vizyonu — “Bir Kəmər, Bir Yol” təşəbbüsünün bir hissəsi olaraq — öz bəhrəsini verir. Avtosfer.az xəbər verir ki, bunu jurnalistlərə açıqlamasında baş nazirin müavini Samir Şərifov deyib.

“Orta Dəhliz sürətlə inkişaf edir. Biz bu dəhliz vasitəsilə yük axınının artdığını görürük və bu, regiondakı bütün ölkələr üçün faydalıdır. Xüsusən də Mərkəzi Asiya ölkələri bu dəhlizin əhəmiyyətini anlayır və Azərbaycan tərəfindən Cənubi Qafqazdakı tərəfdaşlarla birlikdə təqdim edilən çoxsaylı və alternativ nəqliyyat marşrutlarına daha çox dəstək verirlər”, - deyə S.Şərifov əlavə edib.