Orta dəhlizə qoşulan şirkətlərin sayı artır - Ufuk Yalçın

Türkiyə olaraq Gürcüstan, Qazaxıstan, Ukrayna və Azərbaycanla birlikdə Orta Dəhlizin inkişafı istiqamətində atdığımız addımlar nəticəsində yeni üzv şirkətlərin əlavə olunması ilə dəhliz getdikcə genişlənir.

Avtosfer.az APA-ya istinadən xəbər verir ki, bunu jurnalistlərə açıqlamasında Türkiyə Dövlət Dəmir Yollarının "TCDD taşımacılık" şirkətinin Baş direktoru və İdarə Heyətinin sədri Ufuk Yalçın deyib.

“Hazırda dəhlizin Çinlə Avropa arasındakı daşımalarda əsas xüsusiyyəti ən qısa müddətdə, ən təhlükəsiz formada Çindəki məhsulların Avropaya, Avropadakı məhsullaırn da Çinə daşınmasına vasitə olmasıdır”- deyə o əlavə edib.

U.Yalçın bildirib ki, hazırda Trans-Xəzər Beynəlxalq Nəqliyyat Marşrutu” Beynəlxalq Assosiasiyası Hüquqi Şəxslər Birliyinin hazırda üzv sayı 20-dən çoxdur:

“Türkiyə olaraq Azərbaycanla əməkdaşlıq halında Orta Dəhlizin güclənməsi baxımından məsləhətləşmələr aparırıq. Dəhliz üzrə yük daşımalarımızı gələn ilə qədər 2,5 milyon ton a çatdırmağı hədəfləmişik. Bu il orta dəhliz üzərində təqribən 96 min konteyner daşımasını planlayırıq. Fəaliyyətlərimiz nəticəsində Çində birliyimizin bir təmsilçiliyinin qurulmasına nail olmuşuq. 2025 və sonrakl illərdə Orta Dəhlizin inkişafı və alternativ oparaq şimal.cənub dəhlizlərindən əlavə ən qısa müddətdə qərb və şərq arasındakı yükdaşımaları artırmağı planlayırıq”.