Ötən sutka ərzində yol qəzaları nəticəsində 36 nəfər ölüb

Ötən 1 sutka ərzində İranda baş verən yol qəzaları nəticəsində 36 nəfər həlak olub. Avtosfer.az-ın Trend-ə istinadən məlumatına görə, bunu İranın Yol Polisinin trafikə nəzarət və informasiya mərkəzinin rəisi polkovnik Nadir Rəhmani deyib. N.Rəhmaninin sözlərinə görə, sutka ərzində 28 nəfər şəhərlərdən kənar yollarda, 8 nəfər isə şəhərdaxili yollarda həlak olub. Polis rəisi şəhərdaxili yol qəzalarında 298 nəfərin, şəhərlərdən kənar yollarda isə 382 nəfərin yaralandığını bildirib.