Permdən Bakıya uçuşlar dayandırılıb

Rusiyanın “Ural Hava Yolları” aviaşirkəti Permdən Bakıya təyyarə reyslərini həyata keçirməkdən imtina edib. Avtosfer.az-ın ONA-ya istinadən verdiyi məlumata görə, aviaşirkət Bakı ilə bərabər Permdən Tacikistanın Düşənbə və Xucand şəhərlərinə də uçuşları dayandırıb. “Ural Hava Yolları”-nın  Bakı və Düşənbəyə həftədə 2, Xucanda isə 7 reys həyata keçirməyə icazəsi olub. “Ural Hava Yolları”-ndan bildirilib ki, aviaşirkət marşrut şəbəkəsini təkmilləşdirmək çərçivəsində belə bir addım atıb, bu, şirkətin ümumi fəaliyyətinə və xidmətlərinin keyfiyyətinə təsir etmir.