Pirşağı yolları bu vəziyyətdədir – VİDEO

Bir neçə ay əvvəl Bakının Sabunçu rayonunun Pirşağı qəsəbəsinin Lokomotiv adlanan ərazisində və Bağlar massivində yolların bərbad vəziyyətdə olması haqqında məlumat vermişdik.

Avtosfer.az xəbər verir ki, Baku TV-nin əməkdaşları həmin yollardakı vəziyyəti yoxlamaq üçün yenidən Pirşağıya yollanıb və kiçik monitorinq keçirib.

Mənzərə isə əvvəlkindən fərqli olmayıb. Ötən çəkilişdə bir neçə kisə qum töküldüyü bəlli olan çuxurlar yenidən əvvəlki halına düşüb.

Sakinlər məsul qurumlara müraciət etməkdən təngə gəldiklərini deyirlər. Halbuki Bakı şəhərinin qəsəbələrində avtomobil yollarının tikintisi və təmiri ilə bağlı tədbirlər haqqında sərəncamlar verilir və milyonlarla vəsait ayrılır.

Mütəxəssislər dəfələrlə avtomobil yollarına ayrılan vəsaitlərin düzgün istiqamətdə xərclənmədiyini deyirlər.

Sözügedən reportaji təqdim edirik: