Piyada keçidinin olmaması sakinlərin həyatını təhlükəyə atır - VİDEO

Piyada keçidinin olmaması qəsəbə sakinlərinin həyatını təhlükəyə atır. Sabunçu rayonu Kürdəxanı qəsəbəsindən danışacağıq. Qəsəbədən keçən əsas yolda nə piyada keçidi, nə də zolaq var. Sakinlər deyirlər ki, piyada keçdinin olmamasına görə yolda tez-tez ölümlə nəticələnən qəzalar baş verir. Avtomobillərin sürətlə şütüdüyü yolda bir dənə də olsa, piyada keçdi yoxdur.

Söhbət Kürdəxanı qəsəbəsinin Meyvə Tingliyi kimi tanınan ərazisindən gedir. Sakinlər deyirlər ki, ərazidə xeyli sayda sakin yaşayır, amma yolda nə piyada keçidi, nə də zolağı var.

Sakinlər deyirlər ki, gecə vaxtı yolu keçmək daha çətin olur. Məhz buna görə də axşam saatlarında piyadavurma halları daha çox olur.

Məsələ ilə bağlı Bakı Nəqliyyat Agentliyindən bildirdilər ki, sözügedən əraziyə baxış keçiriləcək və piyadaların təhlükəsizlikləri ilə bağlı zəruri tədbirlər görüləcək.