Piyadanı vurub öldürən gəncin ibtidai istintaqı yekunlaşıb

Bakıda ölümlə nəticələnən yol-nəqliyyat hadisəsi törətməkdə təqsirləndirilən Elməddin Diniyevin cinayət işi üzrə ibtidai istintaq yekunlaşıb.

Avtosfer.az-ın "Report"a istinadən məlumatına görə, iş baxılması üçün Nizami Rayon Məhkəməsinə göndərilib.

Cinayət işi hakim Rauf Əhmədovun icraatına verilib.

Məhkəmənin hazırlıq iclasının vaxtı hələlik açıqlanmayıb.

Qeyd edək ki, ölümlə nəticələnən yol-nəqliyyat hadisəsi ötən ilin oktybar ayında Bakının Nizami rayonu Qara Qarayev prospektində baş verib.

Həmin prospektində Bakı şəhər sakini, 1995-ci il təvəllüdlü Diniyev Elməddin Ramiz oğlu idarə etdiyi “Mercedes” markalı avtomobillə yolu keçən paytaxt sakini Məmməd İsbəndiyarovu vurub. Nəticədə xəstəxanaya yerləşdirilmiş piyada orada ölüb.