Polis kenquru barəsində axtarış elan edib

Danimarkanın Cənub Yutland regionunun polisi fərdi evdən qaçmış kenqurunu axtarır. Avtosfer.az "Report"a istinadən xəbər verir ki, bu haqda hüquq-mühafizə orqanlarının nümayəndələri bildiriblər. "Biz Oster Linderdə fərdi evdən qaçmış kenqurunu axtarırıq", - deyə "Twitter"də yayılmış xəbərdə bildirilir. Polis qaçmış heyvanı görənlərdən onlara bu barədə xəbər verməyi xahiş edib. Danimarka polisinin nümayəndəsi bildirib ki, heyvan şənbə günü axşam saatlarından azadlıqdadır.