Polis mafiya başçısını həbs edib

İtaliya polisi Neapol şəhəri mafiya strukturunun başçısı Marko Di Lauranı həbs edib. Avtosfer.az ONA-ya istinadən yaydığı xəbərə görə, cinayətkar şənbə günü xüsusi əməliyyat nəticəsində tutulub və polisə müqavimət göstərməyib. İtaliya Daxili İşlər Nazirliyi 2005-ci ildən Marko Di Lauranı ən axtarılan cinayətkarlar siyahısına daxil edib. Bu siyahıda o, “Koza Nostra” başçısı Matteo Denarodan sonra ikinci yeri tutub. Di Lauronun bir neçə il bundan qabaq hüquq-mühafizə orqanlarından gizlənmək üçün plastiki cərrahiyə əməliyyatından keçdiyi və dəfələrlə qadın paltarına geyindiyi bildirilir. 2015-cı ildə Neapolun Apelyasiya məhkəməsi onu ömürlük cəzaya məhkum edib.