Polisə rüşvət təklif etdi, cərimələndi

Rusiyanın Xabarovsk diyarının Lazo rayonunda yol polisinə rüşvət təklif edən 55 yaşlı Azərbaycan vətəndaşı cərimələnib. Avtosfer.az “Qafqazinfo”ya istinadən xəbərinə görə, Yol Patrul Xidmətinin əməkdaşı tərəfindən saxlanılan adı açıqlanmayan şəxsin avtomobili sənədsiz idarə etdiyi müəyyənləşib. Sürücülük hüququ olmadığı ortaya çıxan azərbaycanlı xidməti avtomobilin oturacağına 2 min rubl (təxminən 53 AZN) dəyərində pul qoyub. Lakin polis rüşvəti qəbul etməyib. Nəticədə, onun haqqında açılmış cinayət işi hökmünə görə 15 min rubl (396 AZN) cərimə ödəməsi haqqında qərar verilib.