"Protiv" gedən avtobus sürücüsü cərimələndi - FOTO - YENİLƏNİB
Gündəm
9 Aprel 2019 14:26
Oxunub 1454
Barəsində 100 manat və 4 bal cərimə tətbiq olunub
Bakı Şəhər Dövlət Yol Polisi İdarəsindən Avtosfer.az-a verilən məlumata görə, əks yola çıxaraq hərəkət edən avtobus sürücü artıq aşkarlanıb. Belə ki, material Avtosfer.az saytında yayıldıqdan dərhal sonra YPX əməkdaşları sürücü Aslan Mehralıyevi saxlayıblar. Onun barəsində İnzibati Xətalar Məcəlləsinin 327.4-cü maddəsinə əsasən protokol (İXP 2489258) tərtib olunub, 100 manat və 4 bal cərimələnib.
Qeyd edək ki, aprelin 8-də Bakı şəhəri, 8-ci Mkr., Şövkət Məmmədova küçəsində ("Oazis" restoranının yanında) qaydaları kobud şəkildə pozan avtobus sürücüsü kameraya düşüb. Avtosfer.az xəbər verir ki, 10 TF 335 dövlət nömrə nişanlı, 26 nömrəli avtobusun sürücüsü yolun əks istiqamətinə çıxaraq hərəkət edir. Bununla da həm qaydaları pozur, həm də sərnişinlərin həyatına təhlükə yaradır.
Ümid edirik ki, DYP sürücü barəsində 100 manat və 4 bal cərimə tətbiq edəcək. Eyni zamanda BNA da müvafiq qaydada tədbir görəcək. Görüntüləri təqdim edirik:
Fərid
ŞƏRH YAZ
DİGƏR XƏBƏRLƏR
