“Pulu basıb yeyirlər, yola da nazik asfalt çəkirlər” – VƏTƏNDAŞ ŞİKAYƏTİ – VİDEO

Cəlilabad rayonunda aparılan asfaltlama işləri yerli sakinlərin narazılığına səbəb olub. 

Avtosfer.az xəbər verir ki, rayonun bir sıra küçələrinə yeni asfalt örtüyü çəkilsə də, işlərin keyfiyyəti və tamlığı ilə bağlı ciddi iradlar var.

Sakinlərin sözlərinə görə, çəkilən asfalt örtüyü çox nazikdir və bəzi hissələrdə ümumiyyətlə asfalt çəkilməyib. Yolun yalnız bir hissəsi yenilənib, digər tərəfi isə əvvəlki kimi çalalı və bərbad vəziyyətdə qalıb. Nəticədə, nəqliyyat vasitələrinin hərəkətində çətinlik yaranır, yağışlı havalarda isə yolda iri gölməçələri əmələ gəlir.

“Yolun yarısı asfaltlandı, yarısı isə olduğu kimi qaldı. Həm nazik çəkilib, həm də bir neçə gündən sonra çatlar əmələ gəlməyə başlayıb. Biz bu vəziyyətin müvəqqəti deyil, əsaslı şəkildə düzəldilməsini istəyirik”, — deyə sakinlər bildiriblər.

Eltac Zülfüqaroğlu