Qar uçqunu nəticəsində üç alpinist ölüb, biri yaralanıb

Şotlandiyanın Ben-Nevis dağında bir neçə alpinist qar uçqununa düşüb. Avtosfer.az-ın Trend-ə istinadən məlumatına görə, hadisə nəticəsində 3 nəfər ölüb, 1 nəfər isə yaralanıb. Hadisə yerinə xilasedici helikopterlər və təcili tibbi yardım həkimləri göndərilib.

Polisinin yaydığı məlumatında deyilir: "Şotlandiya polisi dağ xilasetmə əməliyyatını əlaqələndirir və hadisə qurbanlarının yaxınlarına dəstək göstərir".

Qeyd edək ki, Ben-Nevis Şotlandiyadakı Qrampian dağlarının ən yüksək zirvəsidir. Onun hündürlüyü 1344 metrə çatır.