Qaraçuxurdakı “Dostluq” marketdən ərzaq aldı, belə çek verdilər - FOTO

Paytaxtda, eləcə də bölgələrdə bəzi market sahiblərinin hələ də özbaşınalıqları davam edir.

Avtosfer.az xəbər verir ki, Suraxanı rayonundakı marketdən bəzi məhsullar alan vətəndaş çekdə qəribəlik olduğunu sonradan bilib.

Belə ki, rayonun Qaraçuxur qəsəbəsi 4-cü döngə ünvanındakı “Dostluq” market tərəfindən aldadıldığının sonradan fərqinə varıb. Müştəri marketdən 5 növ məhsul alıb. Ona verilən marketin özünə aid qəbzində bütün çeşidlər qeyd edilib. O, daha sorna ƏDV-li çek üçün geri qayıdanda, ona siyahısında yalnız 1 çeşid üçün yeni çek təqdim olunub.

Müştəriyə verilən yeni çekdə digər 4 məhsulun adı yer almayıb. O, əldə etdiyi çekin şəklini sosial şəbəkədə paylaşıb və bildirib ki, market işçisinə verilən çeklə bağlı şikayət etdikdə isə ona “müdiriyyət necə deyibsə, o cür tərtib olunub” cavabı verib. Vətəndaş aidiyyəti qurumlardan yaranan problemi həll etməyi xahiş edib.

Səfər