Qarın yağması avtovağzalın işinə təsir edib? - Açıqlama

Bölgələrə səfər edən avtobuslarda bugünkü hava şəraiti ilə bağlı problem yaşanmayıb. Avtosfer.az xəbər verir ki, bu barədə Axar.az-a Bakı Beynəlxalq Avtovağzal Kompleksinin mətbuat katibi Pərvin Məmmədova deyib. O bildirib ki, avtobuslar qarlı hava şəraitinə tam hazırdır: “Avtovağzal təkcə indi yox, ümumiyyətlə, fəsil başlayandan qış rejiminə keçib. Sürücülər getdikləri yolun vəziyyətindən xəbərdardırlar. Hava şəraitinin necə olmasından asılı olmayaraq, avtobuslar Kürdəmir yolu ilə hərəkət edir. Hazırda isə həmin yolda vəziyyət normaldır və hələ ki, heç bir reys təxirə salınmayıb”.

Qeyd edək ki, gecə saatlarından Bakıda və rayonlarda müşahidə edilən qar sürücülərə Bakı-Şamaxı-Yevlax və İsmayıllı-Lahıc yolunda çətinlik yaradıb.