Qasırğa nəticəsində iki uşaq ölüb - FOTO

ABŞ-ın Texas ştatının kiçik Franklin şəhərində şənbə günü baş verən qasırğa nəticəsində iki uşaq ölüb, 10-a yaxın insan xəsarət alıb. Avtosfer.az "Report"a istinadən xəbər verir ki, bu barədə yerli hakimiyyət orqanlarına istinadən "Associated Press" məlumat yayıb. Bildirilir ki, iki yaralı yerli xəstəxanaya çatdırılıb, digərlərinə isə yerindəcə tibbi yardım göstərilib. Ştatın San-Antonio şəhərinə güclü dolu yağıb. Əlverişsiz hava şəraiti Dallas şəhərinin Lav aerodromu və Dallas - Fort-Uert beynəlxalq aeroportundan təyyarələrin uçuşunun dayandırılmasına səbəb olub.