“Qatar Airways” aviaşirkətinə məxsus sərnişin təyyarəsi təcili eniş edib

“Qatar Airways” aviaşirkətinə məxsus “Airbus A330-302” sərnişin təyyarəsi Mumbay hava limanına təcili eniş edib. Avtosfer.az “TASS”a istinadən xəbər verir ki, bu barədə mayın 1-i “Sinxua” agentliyi məlumat yayıb. Agentliyin məlumatına görə, təyyarə aprelin 30-u Çuntsin hava limanından Doha istiqamətinə havaya qalxıb. Uçuş zamanı ekipaj üzvləri təyyarənin sistemlərinin birində mexaniki nasazlıq aşkarlayıb.

Bundan sonra təyyarə  Mumbay hava limanına təcili eniş edib.

Çin Xalq Respublikasının Mumbaydakı baş konsulu bildirib ki, göyərtədə 200 yaxın Çin vətəndaşı olub. Onlar mehmanxanalara yerləşdirilib və lazım olan hər bir şeylə təmin olunublar. Nasazlıq aradan qaldırıldıqdan sonra təyyarə çərşənbə axşamı Mumbaydan qalxaraq sərnişinləri Qətərin paytaxtına çatdırıb.

“flightradar24” portalının yazdığına görə, təyyarədə yaranana nasazlığın dəqiq səbəbləri açıqlanmayıb.

Namiq