Qaxda avtomobil yanıb - FOTO

Qax rayonunda avtomobil yanıb. Avtosfer.az-ın "Report"a istinadən məlumatına görə, hadisə bugün rayonun Fısdıqlı kəndində baş verib.

Belə ki, kənd sakini, 1954-cü il təvəllüdlü Məhəmməd Şükür oğlu Sadıqova məxsus 34-BC-322 dövlət qeydiyyat nişanlı "QAZ-24" markalı xırdatutumlu yük avtomobili hərəkətdə olarkən anidən alışıb.

Hadisə yerinə Qax Dövlət Yanğından Mühafizə Hissəsinin 2 yanğınsöndürən maşını və şəxsi heyəti cəlb olunub. Yanğın nəticəsində avtomobilin mühərrik və salonu yanaraq yararsız vəziyyətə düşüb.

Faktla bağlı araşdırma aparılır.