Qaz sızmasından necə qorunmaq olar?

Qış gələndən tez - tez qaz avadanlıqlarından istifadə zamanı ehtiyatsız davranışa görə bədbəxt hadisələrin şahidi oluruq. Bəs belə hallardan qaçmaq üçün nə etmək olar? Araşdırma zamanı məlum olub ki, evlərə quraşdırılan və mobil telefona bağlı olan qaz sensorları bədbəxt hadisələrin qarşısını ala bilir. Bu sensorlar qazsızma zamanı sizin mobil telefona siqnal verir və evə daxil olan qazı anında bağlayır.

Avtosfer.Az xezerxeber.az-a istinadən bildirir ki, hər qış qazla ehtiyatsız davranma və qazsızmaya görə evlərdə çoxlu partlayış hadisəsi baş verir. Bu hadisələr zamanı bir çox insan dünyasını dəyişir yaxud ağır yanıq xəsarətləri alır.

Bu, qaz avadanlıqlarından istifadə zamanı təhlükəsizlik məsələsini aktuallaşdırır. Mutexessisler bildirir ki, evdəki qaz avadanlıqıqlarına telefonlar vasitəsi ilə istənilən yerdən nəzarət etmək mümkündür. Bunun üçün evlərə xüsusi komanda ilə işləyən ağıllı qaz sensoru quraşdırılmalıdır. Bu cihazlar mobil telefonlarla əlaqələndirilir və evdə yaranan qaz sızması ilə bağlı dərhal sistem vasitəsi ilə ev sahibinə məlumat ötürülür.

Sistemin evlərə quraşdırılması cəmi bir neçə saat çəkir. Sistemi evdə yaşayanların hamısının telefonlarına inteqrasiya etmək mümkündür.

Ağıllı qaz sensorlarının qiyməti 500-800 manat arasında dəyişir.

Sistemin mənzilə quraşdırılması tam kabelsiz şəkildə həyata keçirilir.