Qəzada ziyan dəyən dəmir məhəccərlər nə vaxt düzəldiləcək? – RƏSMİ AÇIQLAMA - FOTO

Son günlər ölkə ərazisində baş verən qəzalara görə yol infrastrukturuna dəyən zərər sürücülərin əsas narahatlıq mövzusuna çevrilib.

Avtosfer.az xəbər verir ki, belə ərazilərdən biri də Səbail rayonudur. Bir neçə ay əvvəl Bibiheybvət məscidi yaxınlığında, Salyan şosesində baş verən qəza səbəbilə yoldakı dəmir məhəccərlərə zərər dəyib. Lakin artıq uzun müddətdir ki, ərazidə hansısa təmir işləri aparılmır. Bu isə günün qaranlıq saatlarında Salyan şosesində sürücülərin sürəti daha da aşağı salmasına, nəticədə nəqliyyat axınında ləngimələrə gətirib çıxarır.

Mövzu ilə əlaqədar Azərbaycan Avtomobil Yolları Dövlət Agentliyinə sorğu göndərdik. Qurumun mətbuat katibi Anar Nəcəfli saytımıza açıqlamasında bildirdi ki, dəmir məhəccərlər sifariş verilib və yaxın müddətdə ərazidə məhəccərlərin dəyişdirilməsinə başlanacaq.

Səfər