Qış parkındakı təmir işləri vətəndaşların hərəkətinə mane olur - FOTO

Paytaxtın mərkəzi hissəsində, İslam Səfərli küçəsindən Şəmsi Bədəlbəyli küçəsinə keçid nəzərdə tutulan ərazidə aparılan işlər zamanı yolun üzərinə tökülən torpaq piyadalar üçün çətinlik yaradıb.

Avtosfer.az xəbər verir ki, əraziyə baxış zamanı məlum olub ki, tikinti məqsədilə gətirilən torpaq və digər materiallar piyada yolunu qismən bağlayıb. Nəticədə vətəndaşların sərbəst hərəkəti məhdudlaşır, xüsusilə sıx saatlarda bu vəziyyət narahatlıq yaradır.

Sakinlər bildirirlər ki, ərazidə işlərin aparılması müsbət hal olsa da müvəqqəti də olsa piyadaların hərəkəti üçün alternativ və təhlükəsiz keçid təmin olunmalıdır. Əks halda bu cür vəziyyət həm narahatlıq yaradır, həm də təhlükəsizlik baxımından risk formalaşdırır.

Qeyd edək ki, sözügedən ərazidə eynisəviyyəli piyada keçidinin təşkili planlaşdırılır. İşlər başa çatdıqdan sonra piyadaların hərəkət şəraitinin daha da yaxşılaşacağı gözlənilir.

Eltac