Qobustanda yolda qalmaqal düşüb – VİDEO

Bakı-Qazax yolunun Qobustan rayon ərazisindən keçən hissəsində yolu keçmək istəyən ana və övladını maşın vurub. Avtosfer.az-ın ONA-ya istinadən xəbərinə görə, sürücü xəsarət almış uşağı dərhal xəstəxanaya götürüb. Zərərçəkənlərin hadisə yerinə gələn yaxınları yolda avtomobillərin hərəkətinə mane olub. Şahidlərin sözlərinə görə, bu vaxt sürücülərlə zərərçəkənlərin qohumları arasında insident yaşanıb. Lakin hadisə yerinə gələn polis əməkdaşları insidentin böyüməsinə imkan verməyib, yolda avtomobillərin hərəkətini bərpa edib.