Qonşu ölkədə benzinin qiyməti qalxıb

Rusiyada benzinin qiyməti sabit qalmır. Statistika komitəsinin (Rosstat) məlumatına görə, mayda qonşu ölkədə yanacağın qiyməti 17,5 faiz artıb. Avtosfer.az bizimyol.info-ya istinadən xəbər verir ki, buna qədər müəyyən ucuzlaşma müşahidə olunmuşdu. Amma mayda Rusiyada benzinin qiyməti qalxıb. Bahalaşma bir çox neft-qaz məhsullarından da yan keçməyib. Məsələn, propanın, butanın, neft koksunun qiymətində də yüksəlmə var.

“Rosstat” ayrı-ayrı bölgələr üzrə qiymət qrafikini təqdim edib. Ən çox Kızıl şəhərində yüksəlmə olub (1,4 faiz). Kostromada, Çitada da qiymət artıb. Azalma isə daha çox Sevastopolda, Qorno-Altayskda, Simferopolda olub. Moskva və Sankt-Peterburqda da artım qeydə alınıb. Təkcə son bir həftədə Rusiyanın əsas şəhərlərində 0,3 faiz qiymət fərqi yaranıb.