Qubanın Xınalıq kəndinə qar yağır - FOTO

Fevralın 28-si səhər saatlarından başlayaraq Qubanın Xınalıq kəndi ərazisinə intensiv qar yağmağa başlayıb. Avtosfer.az xəbər verir ki, bu barədə Xınalıq kənd sakinlərinin Azərtac-a verdiyi məlumata görə qarın hündürlüyü qısa müddətdə 10 santimetri keçib.

Hazırda qar yağmaqda davam edir.

Qubada yerləşən Şimal-Şərq Regional Hidrometeorologiya Mərkəzindən bildiriblər ki, ötən gecə dağlıq ərazilərdə temperatur mənfi 8 dərəcəyədək aşağı düşüb. Ən aşağı temperatur Xınalıq və Qrız kəndlərində qeydə alınıb.