Quldurluqda ittiham olunan azərbaycanlı Polşada saxlanılıb

Polşanın Qdansk şəhərində Ukraynada cinayət törətmiş, 1990-cı il təvəllüdlü, əslən Azərbaycanın Gəncə şəhərindən olan Müseyibov Elşən Musa oğlu saxlanılaraq geri təhvil verilib. Avtosfer.az-ın “Report”a istinadən verdiyi məlumata görə, E.Müseyibov Ukraynanın Rovno (qərbi Ukrayna) şəhərində silsilə quldurluq hadisəsi törətmiş mütəşəkkil cinayətkar dəstənin aparıcı üzvlərindən biri kimi axtarışa verilib. Ukrayna vətəndaşı olan azərbaycanlı hazırda ölkəsinə gətirilib, Rovno şəhər məhkəməsinin qərarı ilə barəsində 4 aylıq həbs qətimkan tədbiri seçilib.