Qusarda köşkdə yanğın baş verib, ölən var
Gündəm
8 Mart 2019 11:06
Oxunub 847
Hadisə ilə əlaqədar müvafiq qurumlar tərəfindən təhqiqat aparılır
Qusar rayonunda ölümlə nəticələnən yanğın hadisəsi baş verib. Fövqəladə Hallar Nazirliyindən (FHN) Avtosfer.az-a verilən məlumata görə, hadisə rayon mərkəzində qeydə alınıb. Belə ki, ümumi sahəsi 27 m² olan dəmir konstruksiyalardan ibarət köşkün şüşə-pambıq üzlüyü yanıb.
Yanğının kəşfiyyatı zamanı köşkün içərisində 1977-ci il təvəllüdlü Seyidov Namiq Abdulla oğlunun yanmış meyiti yanğınsöndürənlər tərəfindən aşkar olunub. Yaxınlıqdakı tikililər yanğından mühafizə olunub. Yanğın söndürülüb.
Hadisə ilə əlaqədar müvafiq qurumlar tərəfindən təhqiqat aparılır.
ŞƏRH YAZ
DİGƏR XƏBƏRLƏR
