Rusiyada kişi musiqini yüksək səslə dinləyən qonşularını güllələdi

Rusiyada 53 yaşlı kişi musiqini yüksək səslə dinləyən qonşularını güllələyib. Avtosfer.az Oxu.az-a istinadən bildirir ki, hadisə Anapa şəhərində baş verib. Bildirilir ki, 53 yaşlı kişinin musiqinin səsi ilə bağlı iradından sonra 60 yaşlı ata 30 yaşlı oğlu və onun dostu həmin şəxslər münasibətləri aydınlaşdırmaq qərarına gəliblər. Onlardan birinin əlində çəkic də olub. Musiqinin səsindən narazı olan kişi ov tüfəngini götürərək 60 yaşlı qonşusunu başından güllələyib, onun oğlunu isə qarın nahiyəsindən yaralayıb. Aldığı güllə yaralarından ata və oğul hadisə yerində ölüblər.