Rusiyada yük qatarı relsdən çıxıb

Rusiyanın İrkutsk vilayətində kömür dolu yük qatarı relsdən çıxıb. Avtosfer.az-ın Trend-ə istinadən məlumatına görə, ölən və xəsarət alan yoxdur. Hadisənin yerli vaxtla saat 09:20-də baş verdiyini bildirilir. Yük qatarında 67 vaqon olub. Hadisə yerinə iki bərpaedici qatar və mütəxəssislər göndərilib. Bundan əlavə, hadisə yerinə Rusiya FHN-dən və yanğınsöndürən-xilasedici qarnizonundan operativ qruplar cəlb olunub.