Salyan sakinindən heroin və odlu silah aşkar edilərək götürülüb

Salyan rayon sakinindən narkotik maddə və odlu silah aşkar edilərək götürülüb. Avtosfer.az “Report”a istinadən xəbər verir ki, Salyan polis əməkdaşlarının rayon ərazisində keçirdikləri əməliyyat tədbirləri zamanı narkotik vasitənin qanunsuz dövriyyəsi ilə şübhəli bilinən Salyan şəhər sakini, 1978-ci il təvəllüdlü Əliyev Mais Sabir oğlu saxlanılıb. Polis şöbəsində onun üzərinə şəxsi baxış keçirilərkən iki ədəd sellofan bükümlərdə ümumi çəkisi 5, 144 qram narkotik vasitə olan heroin aşkar olunaraq götürülüb. Yaşadığı evdən isə qundağı kəsik odlu silah, 14 ədəd patron və sandıq darağı aşkar edilib. Ilkin istintaq zamanı M. Əliyev torətdiyi cinayəti etiraf edib. Faktla bağlı Salyan Rayon Polis Şöbəsində cinayət işiaçılıb, araşdırma aparılır.