Şamaxıda ərəb turist xəsarət alıb

Şamaxı rayonunda ərəb turist xəstəxanaya yerləşdirilib. Avtosfer.az-ın "Report"a istinadən məlumatına görə, hadisə axşam saatlarında, rayondakı istirahət mərkəzlərinin birində qeydə alınıb. Belə ki, Səudiyyə Ərəbistanı vətəndaşı, 1974-cü il təvəllüdlü Cəmil Əl Hic istirahət mərkəzində motosikletdən yıxılıb. Nəticədə onun sol ayağı sınıb. Yaralı təcili tibbi yardım avtomobili ilə xəstəxanaya çatdırılıb və cərrahiyyə şöbəsinə yerləşdirilib.

Faktla bağlı araşdırma aparılır.