“Sədərək” ticarət mərkəzində yanğın söndürülüb – VİDEO

“Sədərək” ticarət mərkəzində baş verən yanğın söndürülüb. Avtosfer.az xəbər verir ki, Fövqəladə Hallar Nazirliyindən ONA-ya bildirilib ki, Bakı şəhərinin Qaradağ rayonunda “Sədərək” ticarət mərkəzinin ərazisində anbarlardan birində baş vermiş yanğın Fövqəladə Hallar Nazirliyinin yanğından mühafizə bölmələri tərəfindən saat 10:21 dəqiqədə söndürülüb.

Faktla bağlı araşdırmalara başlanılıb.

***

08.54

“Sədərək” ticarət mərkəzində yanğın başlayıb. Hadisə ticarət mərkəzindəki anbarlardan birində əmələ gəlib. Hadisə yerinə Fövqəladə Hallar Nazirliyinin dövlət yanğından mühafizə xidmətinin bölmələri cəlb edilib. Hazırda yanğının söndürülməsi istiqamətində tədbirlər davam edir.