Şəkidə 52 yaşlı kişi itkin düşüb - FOTO

Şəki rayonunda 52 yaşlı kişi itkin düşüb. Bu barədə DİN Mətbuat Xidmətinin Şəki regional qrupundan Avtosfer.az-a məlumat verilib.

Məlumatda bildirilib ki, rayonun Cumakənd sakini, 1967-ci il təvəllüdlü Rəşid Yusifov fevralın 27-si axşam saatlarında kənddə yaşadığı evdən mağazaya getmək adı ilə çıxıb və geri qayıtmayıb. Evdən çıxanda əynində qara rəngli palto və şalvar, göy jaket, ayağında açıq qırmızı rəngli çəkmə olub. Boyu 167 sm, arıq bədən quruluşludur.

Şəkildə gördüyünüz şəxsi tanıyanlardan və ya barəsində məlumatı olanlardan DİN-in “102 Zəng Mərkəzi” xidmətinə, həmçinin Şəki Şəhər-Rayon Polis Şöbəsinin 024-244-25-50 şəhər, (055) 628-00-84 mobil nömrələrinə zəng vuraraq məlumat vermələri xahiş olunur.