Şəkidə avtobus qəzası: 10 yaralı

Şəki şəhərində mikroavtobusla minik avtomobilinin toqquşması nəticəsində xəsarət alanların sayı 10 nəfərə çatıb. Avtosfer.az-ın "Report"a istinadən məlumatına görə, bu, "Mercedes" markalı mikroavtobusun Qax rayonundan olan 1987-ci il təvəllüdlü sürücüsü Əliyev Akşin Adil oğludur. O, xəstəxananın reanimasiya şöbəsinə yerləşdirilib. Vəziyyəti orta ağırdır.

***11:15

Şəki şəhərində mikroavtobusun iştirakı ilə baş verən qəzada yaralananların adları məlum olub. Yaralananların əkəsəriyyəti Qaxdan Bakı istiqamətində hərəkətdə olan "Mercedes" markalı mikroavtobusun sərnişinlərdir.

Yaralılar bunlardır:

Bakı sakini - 53 yaşlı İsa Bədrəddin oğlu Hacıyev

Cəlilabad rayon sakini - 26 yaşlı Fərid Zakir oğlu Səmədov

Qax rayon sakini - 24 yaşlı Elməddin İsrafil oğlu İsrafilov

Qax rayon sakini - 36 yaşlı Tural Abdulla oğlu Babayev

Qax rayon sakini - 25 yaşlı Nailə Nəsib qızı Seyidova

Qax rayon sakini - 22 yaşlı Abdul Məcid oğlu Seydəliyev

Bakı sakini - 26 yaşlı Ülfət Qulam oğlu Məmmədli

Qax rayon sakini - 32 yaşlı Neyman Nəriman oğlu Nurməmmədov

Qax rayon sakini - 5 yaşlı Vüqar Emin oğlu Həzrətov

Şəki Rayon Mərkəzi Xəstəxanasından verilən məlumata görə, yaralılardan 25 yaşlı Nailə Seyidovanın vəziyyəti ağır olduğundan o, reanimasiya şöbəsinə yerləşdirilib. Digər yaralılar cərrahiyyə şöbəsində müalicə olunur.

***10:44:

Şəki şəhərində 9 nəfərin xəsarət alması ilə nəticələnən yol qəzası baş verib. Hadisə səhər saatlarında İsmayıllı-Qaraməryəm-Şəki magistralının yolun Şəki rayonu Köbər Zəyzid kəndi ərazisindən keçən hissəsində qeydə alınıb. "99-HD-777" dövlət qeydiyyat nişanlı "Toyota Prado" markalı avtomobillə "Mercedes Vito" markalı mikroavtobus toqquşub. Nəticədə 9 nəfər bədən xəsarətləri ilə Şəki Rayon Mərkəzi Xəstəxanasına çatdırılıb.