Şəmkirdə 16 yaşlı gənc bıçaqlanıb

Şəmkir şəhərində bıçaqlanma olub. Avtosfer.az-ın "Report"a istinadən məlumatına görə, 16 yaşlı A.Məmmədov şəhər ərazisində 17 yaşlı tanışı tərəfindən bıçaqlanıb. Ağır yara alan gənc xəstəxanaya aparılıb. Cərrahiyyə əməliyyatı olunduqdan sonra reanimasiya şöbəsinə yerləşdirilib. Onun vəziyyətinin ağır olduğu bildirilir. Hadisənin baş vermə səbəbləri hələ ki, məlum deyil. Faktla bağlı araşdırma aparılır.