Sərnişin təyyarəsi qəza enişi edib

Sinqapurun “Scoot” aviaşirkətinə məxsus “Boeing 787” sərnişin təyyarəsi havaya qalxdıqdan üç saat sonra pilotların kabinəsindəki pəncərədə yaranan çat səbəbindən geriyə qayıtmalı olub.

Avtosfer.az Azərtac-a istinadən xəbər verir ki, bu barədə “The Straits Times” nəşri yanvarın 31-də aviaşirkətin bəyanatına istinadla məlumat yayıb. Bildirilir ki, hadisə nəticəsində heç kim xəsarət almayıb, kabinədə və təyyarənin salonunda təzyiq icazə verilən səviyyədə olub.

Əlavə olaraq qeyd edilir ki, Siqapurdan Avstraliyanın Qold-Kost şəhərinə uçan təyyarənin göyərtəsində 341 sərnişin olub. Təyyarə “Çanqi” hava limanına geri döndükdən bir neçə saat sonra sərnişinlər ehtiyat təyyarə ilə yola düşüblər.