Sərnişinlər gələn avtobusları görmür - VİDEO

Sərnişinlər gələn avtobusları görmür, sürücülər də dayanacağa yaxınlaşmaqdaçətinlik çəkirlər. Görüntülər Paytaxtın Xətai rayonu ərazisində metronun Əhmədli stansiyasından Xalqlar Dostluğu stansiyası istiqamətində gedən yolun sağ kənarındakı dayancaqdandır.Bu dayanacağın yaxınlığında taksilərin və ölkə xaricinə işləyən avtobusların park etməsi sürücülər və sərnişinləri üçün çətinlik yaradır. Avtobus sürücüləri sərnişinləri vaxtında görmədiklərindən dayanacağı keçib saxlamalı olurlar. Avtosfer.az xəbər verir ki, məsələ ilə bağlı Bakı şəhər Dövlət Yol Polisi idarəsinin bölmə rəisi Vaqif Əsədov ''Xəzər Xəbərə'' bildirdi ki, polisi əməkdaşları artıq həmin üvana baxış keçiriblər. Baxış zamanı avtobus dayanacağının yaxınlığında avtomobilləri park edən sürücülər barəsində inzibati qaydada cərimə tətbiq edilib. Belə sürücülər bundan sonra da cərimə ediləcək.

Xatırladaq ki,bu qaydanı pozan sürücüləri 40 manat miqdarında cərimə gözləyir.