Şimali Kiprdə 570 metr dərinlikdə iki cəsəd TAPILDI: "FiloJet" faciəsində yeni detal

Avqustun sonunda Şimali Kipr Türk Respublikasının (ŞKTR) Girne şəhəri yaxınlığında "FiloJet" sürət katamaranının batdığı ərazidə aparılan axtarış-xilasetmə əməliyyatı zamanı daha iki nəfərin meyiti aşkar edilib.

Avtosfer.az bildirir ki, bu barədə "Yenidüzen" qəzeti ŞKTR-nin Baş naziri Ünal Üstelə istinadən xəbər verib.

Üstel katamaranın batdığı yerdən 1 km məsafədə və 570 metr dərinlikdə aparılan sualtı axtarışlar zamanı iki nəfərin qalıqlarının tapıldığını bildirib.

"Aşkar edilən cəsədlərin itkin düşmüş sərnişinlərə aid olub-olmadığını müəyyən etmək və onların kimliyini dəqiqləşdirmək üçün DNT analizinə başlanılıb", - deyə məlumatda vurğulanır.

Hazırda 15 nəfər həlak olmuş hesab edilir, daha 13 nəfər isə itkin düşmüş sayılır.