Sinqapur aeroportu yeddinci dəfə dünyanın ən yaxşı hava limanı seçilib

“Skytrax” kompaniyasının apardığı beynəlxalq tədqiqatın nəticəsində əsasən, Sinqapurun Çanqi aeroportu ardıcıl olaraq yeddinci dəfə dünyanın ən yaxşı hava limanı adını qazanıb.

Avtosfer.az Azərtac-a istinadən xəbər verir ki, siyahıda ikinci yeri Tokionun Haneda, üçüncü yeri isə Seulun İnçhon aeroportları tutub. Avropada isə ən yüksək nəticəni yeddinci yerdə qərarlaşan Münxen aeroportu göstərib.

Tədqiqat 105 ölkədən olan 13 milyon səyahətçi arasında aparılıb. Respondentlər 550 aeroportu müxtəlif parametrlər, o cümlədən qeydiyyatdan keçmə, gəlmə, bütövlükdə təhlükəsizlik sistemi, mağazaların miqdarı və çeşidi üzrə qiymətləndiriblər.