Siqaret çəkənlər, ətrafınızdakılara verdiyiniz zərərdən xəbəriniz var? – Araşdırma

Aparılan araşdırmalar sübut edir ki, son illər uşaqlarda ağciyər xəstəliklərinin yaranmasında başlıca amillərdən biri də siqaretdir. Avtosfer.az sputnik-ə istinadən bildirir ki, tibbdə ətrafdakı siqaretin təsirindən zərər görən belə şəxslər passiv siqaret çəkən adlandırılır.

Araşdırmalara görə, siqaret çəkən şəxslərin yaşının getdikcə azalması və onun təsir dairəsinin genişlənməsi, yəni passiv siqaret çəkənlərin çoxlaması ağciyər xəstəliyi olan azyaşlıların sayının artmasına səbəb olub. Alimlər azyaşlılarda ağciyər xəstəliklərinin yaranmasında siqaretin təsirinin 90 faiz olduğunu bildirirlər. Onların fikrincə, digərləri ilə müqayisədə passiv siqaret çəkən şəxslərdə ağciyər xəstəlikləri riski daha böyükdür. Bu şəxslərin müalicə olunması isə problemi tamamilə aradan qaldırmış olmur.