Siqaretin içində marixuana keçirmək istəyən şəxs yaxalandı

Gömrük orqanları Azərbaycan vətəndaşının Gürcüstandan ölkəyə siqaretin içində marixuana keçirməsinin qarşısını alıb.  Dövlət Gömrük Komitəsindən Avtosfer.az-a verilən məlumata görə, Gürcüstan istiqamətindən Qərb Ərazi Baş Gömrük İdarəsinin "Mazımçay" gömrük postunun idxal piyada keçidinə daxil olan Azərbaycan vətəndaşı saxlanılıb və gömrük baxışı keçirilib.

Yoxlama zamanı, vətəndaşa məxsus "Marlboro" markalı siqaretinin birinin filterinin çıxarıldığı və yerinə kağız bükülü qoyulduğu, digər siqaretində eyni qaydada olduğu və yarıya qədər çəkildiyi diqqət çəkib. Baxış zamanı 2 ədəd siqaretin içərisində təqribi çəkisi 2 qram olan narkotik vasitə - marixuana aşkarlanıb.

Faktla bağlı araşdırma aparılır.

Namiq