Şirvanın addımbaşı çuxurlu yollarından sakinlər əziyyət çəkir - Qurumlardan reaksiya yoxdur - VİDEO

Şirvanın mərkəzi yolları uzun müddətdir bərbad vəziyyətdədir.

Avtosfer.az-ın məlumatına görə, mövcud problemlə bağlı sakinlərdən biri sosial şəbəkə hesabında paylaşım edib. Videodan da göründüyü kimi, yolun asfalt örtüyü istifadəyə yararsızdır. Belə ki, yolda yaranmış dərin çuxurlar ərazidən keçən avtomobillərə maddi ziyan vurmaqla yanaşı qəza riskinə də səbəb olur. Xüsusilə yağışlı, qarlı havada su çökəkliklərə dolduğu üçün onları görmək mümkünsüz hala gəlir. Eyni zamanda yaşayış məhəllələrinin yolları da acınacaqlı haldadır.

Qeyd edək ki, görüntü sosial şəbəkədə birmənalı qarşılanmayıb. Sakinlər bununla bağlı aidiyyəti qurumlara dəfələrlə müraciət etdiklərini, lakin hələ də tədbir görülmədiyini şərh bölməsində qeyd ediblər. 

Nərmin