“Sovetski”də əvvəlcə təmir olunan binanı söküblər – VƏTƏNDAŞ ŞİKAYƏTİ - FOTO

Paytaxtın mərkəzində, Yasamal rayonu Mirzə Fətəli Axundov küçəsi 7 ünvanında yerləşən Təzəpir məscidi ətrafında yenidən tikinti və söküntü işləri aparılır.

Avtosfer.az xəbər verir ki, məscidin yaxınlığında yerləşən bəzi yaşayış binalarının fasadları və eyvanları bir müddət əvvəl təmir edilsə də indi həmin binalarda söküntü işlərinə başlanılıb.

Sakinlərin sözlərinə görə, bir neçə ay əvvəl binaların xarici görünüşü yenilənmiş, fasadlar rənglənmiş, eyvanlarda bərpa işləri görülmüşdü. Lakin indi təmir edilən hissələrin də sökülməsi onlarda narazılıq yaradıb.

Qeyd edək ki, Təzəpir məscidi paytaxtın tarixi və turistik əhəmiyyətli zonalarından biridir. Buna görə də burada aparılan hər bir tikinti və ya söküntü prosesi ictimai diqqət mərkəzində qalır.

Eltac Zülfüqaroğlu