Soyğunçuluq törədən iki dost saxlanılıb - FOTO

Abşeron Rayon Polis İdarəsi əməkdaşlarının Xırdalan şəhərində keçirdikləri əməliyyat-axtarış tədbirləri zamanı əvvəllər məhkum olunmuş Xəqani Şirinov və dostu Toğrul Məmmədov tutulub. DİN-dən Avtosfer.az-a verilən məlumatına görə, onlar sakinlərə yaxınlaşaraq mobil telefonları danışmaq adı ilə alaraq aradan çıxıblar. Dostlar bu cinayəti dəfələrlə təkrarladıqlarını, mobil telefonların satışından əldə etdikləri pulu isə öz aralarında böldüklərini etiraf ediblər.

Araşdırma zamanı dostlardan X.Şirinovun Saray qəsəbəsində mənzilərdən oğurluq edərək vətəndaşlara maddi ziyan vurduğu da məlum olub.

Faktla bağlı araşdırma aparılır.