Stüardessalar arzuladıqları sərnişini təsvir etdilər

Stüardessalar heç də bütün sərnişinlərin davranışını sevmir. “Aviasales” turist xidmətinin mütəxəssisləri onların arzuladıqları sərnişin obrazını müəyyənləşdirməyə çalışıb. Avtosfer.az Bizimyol.info-ya istinadən xəbər verir ki, təyyarələrin qadın əməkdaşları eniş zamanı ayağa qalxanları heç sevmirlər. Sərnişinlərin tələsməyi onları çox gərgin saxlayır. Onsuz da əşyaları tez götürmək təyyarənin sürətini artırmır. İkincisi, stüardessalar yemək verərkən sərnişinlərin tualetə getməsini xoşlamırlar. Çünki onlara rahat hərəkət etməyə mane oluruq. Stüardessalar etik qaydalara əməl edən sərnişinləri sevirlər. Mümkün qədər “zəhmət olmasa”, “buyurun”, “çox sağ olun” ifadələrindən çox istifadə etmək lazımdır. Təyyarədə qayğımıza qalan qadınlar onlara adı ilə müraciətimizi də çox bəyənirlər. Ümumiyyətlə, onlar üçün ideal sərnişin yatan və ya çox səbirli davranan adamdır. Bir də “toyuq, yoxsa ət” seçimi zamanı “fərqi yoxdur” cavabı onların ürəyincə olur.