Su polisi balıqların antisanitariya şəraitində hisə verildiyi məkan aşkarlayıb - VİDEO

Daxili İşlər Nazirliyinin (DİN) Nəqliyyatda Baş Polis İdarəsinin Su Nəqliyyatında Polis İdarəsinin əməkdaşlarının keçirdiyi reyd nəticəsində antisanitariya şəraitində balıqları hisə verən şəxs yaxalanıb. İdarədən Avtosfer.az-a bildirilib ki, Pirallahı qəsəbəsində aşkarlanan bu yerdə ciddi nöqsanlara rast gəlinib və real vəziyyət videolentə alınıb. Məmmədov Ramiz Süleyman oğlundan antisanitariya şəraitində hisə verilmiş 28 ədəd siyənəy balığı götürülüb. Ramiz Məmmədov Qida Təhlükəsizliyi Agentliyindən heç bir rəsmi sənədi olmadığını bildirib. Su polisləri bu cür antisanitariya şəraitində hisə verilmiş balıqların insan sağlamlığı və həyatı üçün təhlükəli olduğunu saxlanılan şəxsin nəzərinə çatdırıblar.

İdarədən həmçinin bildirilib ki, antisanitariya şəraitində hisə verilmiş balıqlar insan sağlamlığı üçün çox təhlükəlidir. Məhz bu səbəbdən İdarə kafe, restoran və bazarlarda bu yolla hisə verilən balıqları almamaqla bağlı xəbərdarlıq edir.

Fidan