Sumqayıtda məcburi köçkünlər üçün yeni marşrut xətti açılıb
Gündəm
8 Aprel 2019 10:28
Oxunub 1026
"Həmin marşrut xətti üzrə bu gündən etibarən 6 ədəd avtobus sərnişinlərimizin xidmətindədir”
Nəqliyyat, Rabitə və Yüksək Texnologiyalar Nazirliyi yanında Dövlət Avtomobil Nəqliyyatı Xidməti (DANX) Sumqayıtda məskunlaşmış məcburi köçkünlər üçün yeni marşrut xətti açıb.
Avtosfer.az xəbər verir ki, bu barədə DANX-ın mətbuat katibi Nuridə Allahyarova bildirib.
Onun sözlərinə görə, qaçqın və məcburi köçkünlərin həyat şəraitinin yaxşılaşdırılmasına dair ölkə başçısının tapşırığına müvafiq olaraq Dövlət Avtomobil Nəqliyyatı Xidməti Sumqayıt şəhərində müvəqqəti məskunlaşmış məcburi köçkünlərin Xırdalan şəhəri və Bakı Beynəlxalq Avtovağzal Kompleksi ilə nəqliyyat kommunikasiyasının təmin edilməsinə dair "Stansiya Sumqayıt-Bakı Beynəlxalq Avtovağzal Kompleksi" marşrutu üzrə 533 saylı yeni xəttin açılmasını təmin edib. "Həmin marşrut xətti üzrə bu gündən etibarən 6 ədəd avtobus sərnişinlərimizin xidmətindədir. Qeyd olunan ərazidə müvəqqəti olaraq 5000-ə yaxın məcburi köçkün məskunlaşıb", - N.Allahyarova bildirib.
ŞƏRH YAZ
DİGƏR XƏBƏRLƏR
