Sumqayıtda nasaz avtobus sərnişinləri yolda qoydu – VİDEO

Sumqayıt şəhərində artıq bir neçə ildir ki, sakinlər tərəfindən ən çox şikayət olunan məsələ məhz nəqliyyat sektorudur. Belə ki, şəhərin nəqliyyat infrastrukturunun acınacaqlı vəziyyəti artıq şəhərin mərkəzi küçələrində belə xaosa gətirib çıxarır.

Avtosfer.az xəbər verir ki, şəhərin 20 Yanvar küçəsindən hərəkətə başlayan 6 nömrəli marşrut xətti üzrə fəaliyyətdə olan avtobuslar bir neçə kilometrdən sonra nasazlıq səbəbindən işə düşmür. Sərnişinlər ya avtobusdan düşürülüb gözlədilir, ya da növbəti dayanacaqda həmin avtobusu gözləyənlər işə gecikir.

Avtobusların istismar müddətini başa vurması, eyni zamanda sürücülərin qeyd olunan nəqliyyat vasitələrini normal idarə etməmələri, vaxtaşırı yollarda yarışlar keçirməsi, eyni zamanda avtobuslara düzgün avtotexniki qulluq göstərilməməsi də onların istifadəyə yararlılığını sual altında qoyub.

Sakinlər aidiyyəti qurumlardan problemin təzliklə aradan qaldırılmasını və şəhər nəqliyyatının daim nəzarətdə saxlanılmasını tələb edir.

Səfər